A xornalista Clara Rosenberg emprende o Camiño de Santiago cun grupo de amigos e o seu exmarido, Sergio Santamarina, escritor de novelas de misterio, con quen acaba de romper por mor dunha infidelidade. O propósito de Sergio é reconquistar a Clara, pero todo complícase coa chegada dun antigo amor dela. Ao longo da novela, os diferentes compoñentes do grupo van mostrando as súas acusadas personalidades. Á parte da fascinación polo patrimonio artístico e a historia, afloran as continuas chiscadelas ao esoterismo e ás lendas do Camiño.

Valores como o amor, a amizade, a xenerosidade e a superación persoal están presentes, pero tamén os celos, a traizón e outros sentimentos menos nobres teñen a súa parcela. Entre visitas a monumentos, longas camiñadas baixo o sol, comidas e faladoiros nocturnos, o grupo verase envolvido nun asasinato, cuxo móbil é unha emblemática obra de arte roubada dun museo, un obxecto de poder que ten en xaque á Interpol. Isto levaraos a coñecer as interioridades das mafias que controlan o tráfico de obxectos subtraídos.

El Códice de Clara Rosenberg é un Codex Calixtinus dos nosos días, e como este, mostra os monumentos, a paisaxe e a idiosincrasia dos lugares que foron conformando o Camiño ao longo dos séculos. O ambiente máxico e indescritible, unido aos escollos que teñen que superar, converterá a súa peregrinación nunha aventura trepidante que dificilmente poderán esquecer.

Magdalena do Amo é xornalista e escritora. Gústalle indagar no que non se conta, e ir máis aló da noticia. A análise política e social, o mundo do misterio e a defensa da vida son os tres alicerces fundamentais que sustentan a súa actividade xornalística, sempre trepidante e contracorriente. Publicou decenas de reportaxes en revistas nacionais e internacionais, dirixiu e presentou programas de televisión e é autora de nove libros, entre eles Los habitantes ocultos del planeta, Abducciones e La dignidad de la vida humana. Con El Códice de Clara Rosenberg estréase como novelista.